اسمعيه بيقول ايه
نعم اسمعي له كويس
و حاولي تفهميه
هو مين!!!؟
قـــلــبــك طبعـا
اسمعي كويس و اديله فرصه انه يتكلم
لو اتكلم هتلاقيه بيشتكي!!!!!
و بيقولك كفاية كده!!
هتلاقيه بيقولك ارحميني شوية
و حسي بي و بجراحي!
انتي انانية و مش بتفكري الا في نفسك
و بتعذبيني باسم الحب!!!
ايوة قلبك بيتعذب... لو كان يقدر كان اشتكى منك
يا ترى امتى هترحميه من العذاب ده!!
انتي ليه قاسية عليه اوي كده
ليه دخلتيه في الدوامة دي
و انتي عارفه كويس انه صعب نطلع منها
امتى هترجعي الحياة لقلبك من جديد
امتى هتذوقيه الحب اللي بجد!!
فرغي منه اي حاجه و خلي حب الله يسكن جواه
و لما الحب ده يستقر جوه هتلاقي اي حب لا رضيه بيطلع منه
و هتحسي بالحياة رجعت لقلبك تاني
امسحي اي حاجه جرحت قلبك
و فرغيه لله اللي خلقه و اللي هتلاقيه احن عليه منك
سبحانه و تعالى
و بعدها خلي عليه قفل ميفتحوش غير اللي يستاهلك
و خليه هو لوحده يرسم على قلبك اول معاني الحب
هنا بس هتحسي بمعنى الحب الحقيقي
الحب اللي يجمع ما بين اثنين و قلوبهم مليانة حب لله
الحب ده هيبقى اساس حياتكم اللي هتتبني على رضى الله
هو ده الحب اللي قلبك محتاجه
و ربنا هو اللي خلقه و هو اعلم به منك و مني
عشان كده قالك حافظي عليه
و انا بقولك خليكي حنينة عليه
و لا تنسي
ان الحب الاول يتمكن من القلب الفارغ....
فلمن ستفرغ قلبك ليتمكن حبه من قلبك!؟
اختك في الله