صباحكم ’مسائكم خير
يا حلوات انانويت بإذن الله احفظ سورة البقره
وابغاكم تساعدوني
الفكره اننا كل يوم نحفظ صفحه والي تحفظ تدخل الموضوع
وتكتب مقدار حفظها ونشجع بعض يوميا اليييين ما ننتهي بإذن الله
انا ابغى نتنافس فالخير واذا وحده فينا تكاسلت ولا جاها فتور
تدخل الموضوع وتتحمس لما تشوف الكل يحفظ
وتراها يا بنات سههههههههههله اياتها مررره
وما تتصورو مقدار الراحه الي بتحسو
فيها لما تحفظون هذي السوره العظيمه لما لها من فضائل عده
ولا نقولي مشغوله ولا اخاف انساها ولا حفظي بطيء
انتي اذا نويتي تحفظيها ربي بييسر لك ان شاء الله توكلي
على الله ولا تخلي الشيطان يلعب بعقلك حاربي عدو الله بقدر استطاعتك
لوكان صعب ويبغاله وقت طوييل كان ما حفظوه الاطفال رغم صغرهم
والاطباء والمهندسين رغم انشغالهم و و و......الخ
لاتدعي للشيطان مدخل يعيقك عن الخير
خلونا نفكر بعقلانيه اكبر لو قلنا اليوم 24ساعه
يروح ثلاث ارباعه تقريبا نوووم واكل وقعده وعمل
وفله و و و ..... ما تقدري تفضي نفسك بهذي ال24ساعه
ساعه مع ربك مع ان المفروض ان تجعلي اليوم كله انشغال بعبادة الله
(نحن تركنا ما خلقنا له وانشغلنا بما خلق لنا للاسفف)
يا بنات خلونا نخلص النيه ونساعد بعض على حفظ هذه السوره العظيمه
وشووووفي الاجر الي رح تجنيه لما تحفظي وتكوني سبب فإن غيرك يحفظ
وما تدرين كم وحده تفتح الموضوع وتتحمس وتتشجع اذا شافتك
كاتبه مقدار ما حفظتي في زمن معين وقررت تحفظ معاك
فكرو فيها بجديه وارجوكم خلونا نتعاون ونساعد بعض وعند الله الخير والاجر العظيم
يلا بنات خلونا نخلص النيه ونتوكل على الله ونبدأ من اليوم
والي عنده ايييييي اقتراح او رأي يفيدنا ارجوكم لا تبخل
علينا فييه وعسى ان يكون هذا الحفظ بداية السعاده والراحه والحياه الهادئه لكل من شاركت فييه
البدايه من الآيه الاولى الى الآيه 5
واول وحده تحفظ تكتب لنا بالموضوع مقدار ما حفظت
لكي نستفيد
دمتم بود ولا تنسونا من الدعاء
