صناعه شمعه من قشر البيض

صبآحكم - مسآؤكم

إبدآع

كثير حلو انه نصنع حاجات بـ يدينا
حتى لوكانت اشياء بسيطة لكن في نظرنا راح نشوفها مبهره لانها من انتاجنا
اخترت لكم طريقة عمل هـ الشموع
بصراحة رهيبة بشكلها النهائي
خلينا نشوفها

الأدوات

{ قدر صغير - شموع قديمه - بيض - عود أسنان }

{ 1 }

أول شي نجيب البيضه ونفتح لها فتحه صغيره من فوق

{ 2 }

نفرغ البيضه وبعد مانفرغها نغسلها بالمويه الين تنظف كلياً بس برقه عشان ماتنكسر البيضه
طريقة تنظيفها انك تدخلين اصبع من اصابعك جوا البيضه من الفتحه الصغيرونه
وتفركينها من جوا زين عشان تنظف .. بس مثل ماقلنا بشويش

{ 3 }

هذا شكل البيض بعد التفريغ والتنظيف

{ 4 }

نجيب القدر ونحط جواه الشمعه باللون الي انتِ تبينه ونحطه على نار هاديه
لان لو كانت النار عاليه لاقدر الله يشتعل القدر
ونخليه بالنار لين تموع الشمعه كلها طبعا ماتطول بسرعه تذوب

{ 5 }

بعد ماتذوبين الشمعه تصبينها جوا قشور البيض بس بشوي شوي
لان اذا صبيتيه دفعه وحده بيفور وبيطلع كله وبيطشر { معناة يطشر اي ينتشر زي الزيت }

ملحوظه

إذا ودك تصير الشمعه لونين ولنفرض فوشي وازرق
تذوبين الشمعه الفوشيه وتصبينها على قشر البيض بس الى النص يعني نص القشر

{ 6 }

نجيب الفتيله حقة الشمعه الي ذوبناها وندخلها جوا مثل ماتشوفين بالصوره
ونعقدها على عود اسنان عشان ماتطيح الفتيله جوا
لكن اللي موجود هنا اعواد اذان لانه ماكان متوفر
بس ما انصحكم بعود الاذان لانه يذوب اذا جيتي بتصبين الطبقه الثانيه للشمعه
بعد ما تقضين صابه الشمع ورابطه الفتيله ندخلها للفريزر {عشان تجمد}
واذا جمدت نطلعها من الفريزر

طبعا عشان تكون الشمعه من لونين بعد ماتجمد الطبقة الاولى نصب اللون الثاني الي تبينه
على الطبقه الجامده ومن ثم نرجعها للفريزر الى ان تجمد الطبقه الثانيه
{ هذي الطريقه اذا كنتِ تبين الشمعه لونين }

{ 7 }

بعد ماجمدت نشيل عود الاسنان ونبدأ نقشرها زي تقشير البيض المسلوق
بس هنا بتكون اقوى من البيض المسلوق خخخ

{ 8 }

وبكذا طلع لنا الشكل للشمعه

{ 9 }

نجيب خرز او ترتر او شرايط او أي شي لتزيين الشموع
ونبدأ نزين بالشمعه بالشكل الي نبيه

وطبعاً ملحوظه مهمه

مو تصمغين بصمغ المسدس لانه ماراح يتصمغ معك
صمغي بالصمغ الاصفر العادي حق الورق
بس كثري الصمغ على الترتر لانه يالله يثبت

{ 10 }

وبكذا طلع لنا الشكل النهائي للشمعه

وش رايكم خطيره مو ..؟

ابداعععععع جميله وفى ملف خاص بالشمع تلات اجزاء ممكن يساعدك صناعه شمعه من قشر البيض Lol

» صناعه فازات صغيره من علب البيض
» صناعه الشموع
» صناعه ورد من القماش
» صناعه سرير خاص للقطط
» صناعه الصابون من المواد الخام