نلتقى لنرتقى
اهلا ومرحبا بك عزيزى العضو اذا كنت زائر فنتمنى انا تنتمى الى اعضاءنا واذا كنت عضو فقوم بالدخول نحن ننتظر المزيد من ابداعك
****المنتدى ليس بعدد اعضاءه بل بترابط اعضاء كاسره واحده****
نلتقى لنرتقى
اهلا ومرحبا بك عزيزى العضو اذا كنت زائر فنتمنى انا تنتمى الى اعضاءنا واذا كنت عضو فقوم بالدخول نحن ننتظر المزيد من ابداعك
****المنتدى ليس بعدد اعضاءه بل بترابط اعضاء كاسره واحده****
نلتقى لنرتقى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


لا اله الا الله عدد ما كان وعدد ما يكون وعدد الحركات والسكون
 
الرئيسيةالبوابةأحدث الصورالتسجيلدخول

 

 خطوات غسيل الشعر الصحيح لمنع تلفه او تقصفه

اذهب الى الأسفل 
كاتب الموضوعرسالة
دمعه احساس* _ *

الاداره


دمعه احساس* _ *


عدد المساهمات : 798
تاريخ التسجيل : 04/06/2010
العمر : 30
الموقع : عين القمر

خطوات غسيل الشعر الصحيح لمنع تلفه او تقصفه Empty
مُساهمةموضوع: خطوات غسيل الشعر الصحيح لمنع تلفه او تقصفه   خطوات غسيل الشعر الصحيح لمنع تلفه او تقصفه Emptyالأحد يوليو 18, 2010 1:36 pm

*خطوات غسيل الشعر الصح جدااااااااا لمنع تلفه
وتقصيفه وحمايته من القشرة
::
1 تمشيط الشعر كويس جدا وتسليكه قبل اى حاجه وطبعا
مراعاه التسريح من غير عنف او ضغط جامد على الفروة وطبعا اهم شيء البعد عن
الامشاط البلاستيك (( دى الافضل تترمى احسن )) ونسرح شعرنا بمشط خشب وهو
رخيص ومتوفر جدا عشان البلاستيك بيعمل كهربا استاتيكيه مع فروة الرأس ويؤدى
الى تقصفه زياده وسقوطه وتكوين القشرة ولو الشعر ملبد بيكون التسريح براحه
من تحت لفوق يعنى من اول الاطراف لحد الفروة واحده واحده لحد اما نلاقي
الشعر اتسلك كله

2 - ندخل الحمام ونغسل شعرنا بماء بااااااااااااااااارد
عااااادى خااااالص من الدش مباشرة يعنى مالو داعى الماء الفاتر او السخن
زى ما احنا متعودين ودة لسببين وهما ان الماء الساخن بيسبب التقصيف وهياج
فروة الشعر وتكوين القشرة لكن بالنسبه للماء البارد بيساعد على زياده لمعان
الشعر وقبض مسام الفروة وانعاش الشعر عموما والى هنعمله اننا نهتم ا بغمر
الشعر وغسله بالماء العادى من الدش لمده طويله لحد اما نحس ان الماء تغلل
الشعر كله وان الشعر اتغرق ماء يعنى ممكن نفضل نغسله لمده 5 دقائق كامله
بالماء بس ودة مهم جداااا

3- نجيب الشامبو الخاص بشعرنا والافضل استعمال شامبو
اطفال او اى نوع خفيف على فروة الشعر وبفضل يكون من غير روائح عطريه خالص
عشان دة افضل وصحى اكتر وناخد منه ملعقه طعام وندوبها فى كوب ماء صغير
ونبدأ بوضعها على الشعر الغرقان بالماء ونبدأ ندلك الشعر براحه جدا تدليك
ناعم وبحركات دائريه ونهتم بفروة الشعر وندلك لمده 5 دقايق تقريبا
.......................

طبعا انا عارفه ان كلنا هنستغرب لاننا متعودين نحط كميه
كبيرة من الشامبوو على الشعر مباشرة عشان نستمتع بريحته وبنعتقد اننا كل
اما نزود الشامبو اكتر كل اما الشعر يستفاد اكتر ..... ودة طبعا خطأ
شنييييييييييع لاننا كدة بنموت الشعر ونعرضه للكيماويات اكتر والصح انو اما
كان الشامبوو خفيف على الشعر كل اما استفاد الشعر اكتر


4- بعد اما كدة نشطف الشعر كويس ونغمره بالماء لحد اما
نتاكد انو الشامبو طلع من كل الشعر بعدها وبعد كدة انا بحذر من عصر الشعر
باليد زى اما بشوف كل البنات بتعمل كدة ودة غلط جدااا والصح اننا نوضع فوطه
علي الشعر ونلفها (( زى اما بنشوف فى الافلام )) ونسيبه لحد اما الفوطه
تنشفه ونضغط براحه على الفوطه عشان نساعد على عمليه التنشيف وبعد اما نشيل
الفوطه لو لقينا الشعر لسه مبلول من المفيد جداا اننا لو نقدر نلبس ايشارب
قطنى هيفيد الشعر جدا لان الهدف من لف الفوطه على الشعر بعد غسيله ولبش
الايشارب بعدها هو تدفئه الشعر وحمايته من التعرض للهواء بعد غسيله لان
تعرضه لعوامل الجو بعد الغسيل بيسبب التقصف الشديد وبطء نمو الشعر

وسبحان الله هنا بتظهر الحكمه من الحجاب الى فرضه ربنا
سبحانه وتعالى لانى سمعت من دكتور عادل عبد العال انو كل اما تمت تدفئه
الشعر اكتر عن طريق تغطيته كل اما أدى الى زياده نموه وطبعا زياده حمايته
من عوامل الجو الى بنتعرض ليها عند الخروج وشعرنا مكشوف ........... وده
طبعا عكس خالص الكلام الى دايما نسمعه انو الحجاب بيكتم الشعر وبيمنعه من
التنفس ودة طبعا موش صح لان الحجاب بيحمي الشعر من الشمس الحاميه ومن الجو
البارد او الساخن الى بيأذى الشعر .......

من المهم اننا نعرف انو غلط جدا اننا نلبس الحجاب على
طول بعد غسيل الشعر مباشرة لانو فيه بنات بتغسل شعرها وتسيبه مبلول وتربطه
اى حاجه وتلبس الحجاب فوقه علطول ودة غلط لانه البلل الزائد بيكون فطريات
فى فروة الشعر وبيكتم الشعرة وهى مبلوله وطبعا بعدها بعد خلع الحجاب بنلاقي
انو الشعر ريحته موش حلوة ودة بسبب الفطريات وعشان كدة لازن الشعر يتنشف
بالطريقه الى قلت عليها ونحاول نتاكد انو موش مبلول وبعدها نلبس الحجاب
ويفضل يكون قطن او تحت منه اسكارف قطن


طبعا الخطوات الى قلت عليها ممكن الكتير منكوا يكسل
يعملها ويفتكر انها بتاخد وقت طويل وطبعا كلنا بنحب نستسهل وخلاص ولكن
بالعكس والله يا جماعه الخطوات دى موش بتاخد مننا اكتر من 10 دقايق او اقل
كمان وبالتعود هتبجي روتين .............. بس صدقونى فعلا من اول مرة نغسل
فيها شعرنا بالخطوات دى هنلاقي تحسن كبير فى شعرنا وهنعرف فعلا انو طريقه
الغسيل الغلط والمعامله السيئه للشعر دى بـتاثر عليه جامد جدااا وهى دى
الاساس فى كل مشاكل شعرنا

خطوات غسيل الشعر الصحيح لمنع تلفه او تقصفه Mood15.
اخيرا نصيحة اضافية للموضوع سمعتها على احدى القنوات
متسلكيش شعرك وهو مبلول لانه بيكون مطاطى وده بيخليه يهيش ويتقصف.

يارب اكون افدتكم وجبتلكوا معلومة جديدة مفيدة.
الرجوع الى أعلى الصفحة اذهب الى الأسفل
https://malak-elkher.yoo7.com
 
خطوات غسيل الشعر الصحيح لمنع تلفه او تقصفه
الرجوع الى أعلى الصفحة 
صفحة 1 من اصل 1
 مواضيع مماثلة
-
»  خطوات تدليك فروة الرأس و اهميته لصحة شعرك مهمة
» اسرار الشعر الهندى
» اسباب وعلاج تساقط الشعر الحقيقيه
» تجنبي اخطاء تسبب تلف الشعر
» اسرار لزيادة كثافة الشعر

صلاحيات هذا المنتدى:لاتستطيع الرد على المواضيع في هذا المنتدى
نلتقى لنرتقى :: عالم حواء :: العنايه بالشعر-
انتقل الى: